Новости

З мэтаю прафарыентацыі 08.04.2022 нашу ўстанову адукацыі наведалі прадстаўнікі УА "Валкавыскі дзяржаўны аграрны каледж" і УА "Лідскі дзяржаўны палітэхнічны ліцэй" і правялі для навучэнцаў 8-9 класаў нашай школы прэзентацыю сваіх устаноў адукацыі, ажыццяўляючых падрыхтоўку на ўзроўні сярэдне-спецыяльнай адукацыі і на ўзроўні прафесіянальна-тэхнічнай адукацы.

Сёння наша каманда легкаатлетаў прыняла ўдзел у раённым вяснавым адкрытым легкаатлетычным кросе памяці А.І. Канарчыка. Глядзіце нашы фотаальбомы.

У рамках рэспубліканскай акцыі ў нашай установе адукацыі праведзены інфармацыйныя гадзіны і перапынкі, анкетаванне навучэнцаў, наведаны сем'і навучэнцаў, якія патрабуюць асаблівай ўвагі, для бацькоў падрыхтаваны інфармацыйныя буклеты. Да навучэнцаў і бацькоў даведзена інфармацыя аб тэлефонах даверу, дапамозе ў крызісныя моманты. Інфармацыя пра службы і цэнтры дапамогі і тэлефоны даверу пастаянна ёсць на школьным сайце ў раздзеле "Тэлефоны даверу для дзяцей і дарослых".

3 04.04.2022 па 08.04.2022 у нашай установе адукацыі праходзіць тыдзень спартыўна-масавых мерапрыемстваў, прысвечаных Сусветнаму дню здароўя (07.04.2022). Тыдзень праходзіць пад дэвізам: "У здаровым целе - здаровы дух!" Запрашаем усіх далучыцца да нашых мерапрыемстваў, каб захаваць і ўмацаваць сваё здароўе! Сочыце за нашымі навінамі і фотаальбомамі.

Працягваецца вясновая змена ў нашым прышкольным лагеры "Чайка". Кожны дзень насычаны новымі радасцямі, падзеямі і карыснасцямі. Гэта і радасці ад зносін з сябрамі, вясёлыя гульні, спартыўныя спаборніцтвы, экскурсіі, сумесная творчасць. За два апошніх дні выхаванцы зноў пабывалі на экскурсіі ў Воранава, наведалі мясцовую вясковую бібліятэку, правялі таварыскі футбольны матч, вывучылі новы танец і песню. Кожны дзень выхаванцы вучацца новаму. Напрыклад, сёння гэта была новая настольная гульня і практыкум па ўсталяванні палаткі. Таксама выхаванцы ўдельнічалі ў анлайн-віктарыні "Здагадайся па мелодыі". А яшчэ разам з участковым інспектарам Салавей Л.Г. і прадстаўніком ДАІ правялі інтэрактыўную гутарку па пытаннях бяспекі на дарогах і адказнасці за паводзіны і правапарушэнні. Радасць сяброўства, новыя ўражанні і вопыт, а таксама смачныя сняданкі і абеды чакаюць выхаванцаў у нашым лагеры "Чайка"! Глядзіце нашы фотаальбомы.

З 04.04 па 08.04.2022 праходзіць рэспубліканская прафілактычная акцыя "Дом без насілля". З памяткамі, інфармацыяй і планам работы школы ў рамках прафілактычнай акцыі можна азнаёміцца ў раздзеле "СППС. Памятка "Дом без насілля".

Учора быў першы дзень работы нашага прышкольнага лагера. Першы дзень заўжды носіць больш арганізацыйны характар. Тым не менш выхаванцы лагера атрымалі першыя радасці ад пазашкольных зносін паміж сябрамі, гульняў, перамогі ў футбол, сумеснага афармлення касмічаскай газеты, убачылі аленяў і пралескі. Сёння запланаваны экскурсіі ў сельскую бібліятэку, Воранава, а таксама выхаванцы чакаюць выяздны кінатэатр. Глядзіце кожны дзень новыя фотаздымкі ў нашым фотаальбоме "Прышкольны лагер "Чайка" на вясновых канікулах"

З 28.03.2022 па 02.04.2002 на базе нашай установы адукацыі дзейнічае прышкольны лагер "Чайка". Для 20 выхаванцаў падрыхтавана цікавая і карысная праграма адпачынку, з якой можна азнаёміцца на школьным сайце ў раздзеле "Канікулы. Вясновыя канікулы". За ўсімі навінамі сочыце ў нашай стужцы навін і глядзіце нашы фотаальбомы.

Паважаныя бацькі і навучэнцы! Вясновыя канікулы пачынаюцца з 27.03.2022 і доўжацца па 03.04.2022 уключна. Нагадаем вам яшчэ раз пра неабходнасць захавання правіл бяспецы ў вольны час, правіл бяспечнага дарожнага руху, правіл карыстання бытавымі электрапрыборамі, таксама аб забароне распальваць кастры, аб кантролю за месцазнаходжаннем дзяцей, аб правілах бяспецы ў інтэрнэце. Са ўсімі навучэнцамі былі праведзены інструктажы бяспечных паводзін. Раім і вам, паважаныя бацькі, яшчэ раз звярнуцца да гэтых правіл і растлумачыць дзецям сур'ёзныя небяспекі ў выпадку іх ігнаравання. Усе неабходныя памяткі размяшчаны на школьным сайце ў раздзелах "Канікулы. Вясновыя канікулы", "Школа бяспекі".

Сёння праходзіць традыцыйная сусветная экалагічная акцыя "Гадзіна Зямлі". З мэтаю звярнуць увагу на экалагічныя праблемы, а таксама на праблемы рацыянальнага расходавання энергарэсурсаў, прапануецца далучыцца да акцыі і на гадзіну з 20.30 да 21.30 адключыць святло і электрапрыборы.

Віншуем вучаніцу 9 класа Канавалік Вікторыю, старшыню нашай піянерскай дружыны імя З. Партновай з перамогай на раённым этапе конкурса "Піянер года - 2022"! Жадаем Вікторыі далейшых поспехаў на абласным этапе, які адбудзецца 16.04.2022. Балеем за нашу Віку і жадаем ёй вікторыі, значыць перамогі! Давайце падтрымаем нашу ўдзельніцу конкурса, якая будзе прадстаўляць увесь Воранаўскі раён!

Сёння ў нашай установе адукацыі прайшла адзіная тэматычная інфармацыйная гадзіна. Для 1-4 класаў па теме "Кожны з нас у адказе за мір на вялікай планеце", для 5-9 класаў па тэме "Беларусь - краіна сяброўства, міра і добрасуседства". На сустрэчу з навучэнцамі пачатковых класаў быў запрашаны інспектар Пераганцаўскага сельскага выканкама Бальцэвіч Віталій Іванавіч. Глядзіце нашы фотаальбомы.

Сёння ў нашай установе адукацыі прайшоў адзіны ўрок Памяці. Глядзіце нашы фотаальбомы.

19.03.2022 у нашай установе адукацыі адбылася сустрэча з выпускніцай нашай школы Ксеніяй Цевель. Ксенія цяпер з'яўляецца навучэнкай Навагрудскага гандлёва-эканамічнага каледжа. Наша выпускніца распавяла школьнікам аб магчымасцях і ўмовах навучання ў каледжы, студэнцкім жыцці, а таксама аб магчымасцях працаўладкавання пасля атрымання прафесійнай адукацыі.

Вучаніца 7 класа Кратовіч Паліна прыняла ўдзел у абласным творчым праекце "Жывая спадчына" і намалявала генеалагічнае дрэва сваёй сям'і.

Навучэнцы факультатыва "Зялёныя школы" нагадалі ўсім у школе, што трэба берагчы ваду.

З 14 па 20 сакавіка ў Воранаўскім раёне праходзіць рэспубліканская прафілактычная акцыя «Разам за здаровае будучае", накіраваная на прафілактыку патрэблення і збыта наркатычных сродкаў, псіхатропных рэчываў і іх аналагаў сярод непаўналетніх.