Новости

Віншуем Бандалевіча Максіма з 2-м месцам на раённым этапе алімпіяды па геаграфіі!

З 12.11. па 17.11.2018 у нашай установе адукацыі праводзіцца акцыя "Місія - жыць!" З планам мерапрыемстваў можна азнаёміцца ў раздзеле "Антынаркатычная акцыя".

Паважаныя бацькі! Ёсць магчымасць атрымаць бескаштоўныя накіраванні ў дзіцячыя санаторыі дзецям да 18 гадоў у лістападзе - снежні 2018 г. Пра ўсё неабходнае вы можна даведацца ў раздзеле "Канікулы".

Восеньскія канікулы не з'яўляюцца перашкодай для добрых спраў, зусім наадварот: у навучэнцаў з'яўляецца больш вольнага часу, які можна правесці на карысць людзям. Таксама і навучэнцы нашай установы адукацыі пачалі ўдзельнічаць у акцыях "Гэта трэба не мёртвым, гэта трэба жывым" (па навядзенні парадка на магілах), "Цёплы дом - утульны дом" (дапамога пажылым людзям). Актыўны прыклад паказваюць нашы валанцёры з атрада "Асілкі" і выхаванцы прышкольнага лагера.

29.10.2018 нашу школу наведаў інспектар па справах непаўналетніх Савоська А.У. Ён правёў тэматычныя гутаркі з педагагічным калектывам па пытаннях бяспекі ў школах, аб умацаванні кантролю за прапускным рэжымам ва ўстанове адукацыі. Выхаванцам дзіцячага прышкольнага лагера "Чайка" Аляксандр Уладзіміравіч таксама нагадаў аб асцярожнасці (асабліва ў дачыненні да незнаёмых людзей), прапанаваў яшчэ раз праверыць наяўнасць флікераў, а таксама захоўваць правілы бяспекі.

З 29.10. па 06.11. 2018 на базе нашай установы адукацыі дзейнічае прышкольны лагер "Чайка". З праграмай работы лагера можна пазнаёміцца ў раздзеле "Канікулы".

26.10.2018 у нашай установе адукацыі адбыўся дзень самакіравання. Навучэнцы 7-9 класаў паспрабавалі сябе ў ролі настаўнікаў і нават дырэктара школы. Якія эмоцыі і ўражанні ад гэтага дня засталіся - глядзіце ў фотаальбоме.

9.00 - Пачатак экскурсійнай паездкі ў Гродзенскі абласны тэатр лялек (для навучэнцаў 1-5 класаў)
9.00 - 9.45 - Дадатковыя заняткі па нямецкай мове
10.00 - 11.30 - Аб'яднанне па інтарэсах "Хутчэй, вышэй, мацней!"

Пад гэтай назвай сёння адбылася інтэрактыўная інфармацыйна-тэматычная гадзіна для навучэнцаў 5-9 класаў. Педагогі Гражынская Я.Ч., Лук'ян Н.В., Бедай А.А. расказалі пра слаўныя камсамольскія дасягненні, традыцыі, подзвігі і будні. Пад час прэзентацыі было праведзена абмеркаванне камсамольскіх лозунгаў і нават сумеснае выкананне камсамольскай песні.

Дзень прафарыентацыі
9.00-12.00 - экскурсійная паездка ў г.п.Воранава для навучэнцаў 1-4 классаў (наведванне бібліятэкі, пошты)
9.00-12.00 -экскурсійная паездка ў г.п.Воранава для навучэнцаў 9 класа (наведванне Воранаўскага дзяржаўнага прафесійна-тэхнічнага каледжа сельскагаспадарчай вытворчасці)
9.00-10.00 - дадатковыя заняткі па нямецкай мове
11.00-12.00 -конкурсная праграма "Міс восень" (Пераганцаўскі ЦКіД)
12.00-13.30 -аб'яданне па інтарэсах "Хутчэй, вышэй, мацней!"

З 15.10.2018 стартавала рэспубліканская пажарна-прафілактычная акцыя па папярэджанні пажараў і гібелі людзей ад іх у жыллёвым фондзе. 18.10.2018 адбылася агульнашкольная лінейка "За бяспеку разам!" у нашай установе адукацыі. Дырэктар школы Павайба А.Ю. нагадала статыстычныя дадзеныя за мінулы год і заклікала ўсіх навучэнцаў і педагогаў захоўваць правілы бяспекі, яшчэ раз праверыць сістэму аўтаномных пажарных апавяшчальнікаў у жылых памяшканнях, стан электрычнай праводкі і ацяпляльнага абсталявання. Дырэктар таксама звярнула ўвагу на наяўнасць флікераў і захаванне правіл дарожнага руху, асабліва пры пераходзе вуліцы і руху на веласіпедзе. Акрамя таго першакласнікам былі ўручаны спецыяльныя памяткі.

17.10.2018 стартавала акцыя "Чысты лес". Навучэнцы нашай школы разам з педагогам-арганізатарам Лук'ян Н.В. і настаўнікам фізкультуры Грышко А.В. сабралі смецце, якое пакідаюць некаторыя людзі, што любяць адпачынак на ўскрайках лесу, каля вадаёмаў. Дадзеная акцыя заклікана садзейнічаць навядзенню парадку ў лясным масіве, прыцягненню ўвагі грамадскасці да неабходнасці беражлівых адносін да лесу. Запрашаем ўсіх неабыякавых да лёсу беларускага лесу прыняць удзел у акцыі.

Віншуем усіх мам з гэтым выдатным святам! Жадаем Вам моцнага здароўя, усмешак, шчасця, поспехаў ва ўсіх справах.

9.00-10.00 - Падрыхтоўка да свята маці
10.00-11.00 - Святочны канцэрт (месца правядзення - Пераганцаўскі ЦКіД)
12.00-13.00 аб'яднанне па інтарэсах "Хутчэй, вышэй, мацней!"

Віншуем нашу спартыўную каманду з 3-м месцам у раённым легкаатлетычным кросе. Жадаем новых спартыўных дасягненняў!

З 08.10. па 13.10 у школе праходзіць тыдзень маці. Па класах былі праведзены тэматычныя часы, арганізаваны конкурсы малюнкаў "Мая мама самая прыгожая" і конкурс эсэ "Мая мілая мама", у файе школы аформлены святочны стэнд. Увесь тыдзень навучэнцы з дапамогай настаўнікаў рабілі сваімі рукамі віншавальныя паштоўкі, а таксама рыхтаваліся да правядзення святочнага канцэрта, які адбудзецца 13.10.2018 у Пераганцаўскім ЦКіД.

Паважаныя настаўнікі! Віншуем Вас з прафесійным святам! Моцнага вам здароўя, поспехаў у рабоце і асабістага шчасця!

Віншуем вучаніцу 6-га класа Вікторыю Канавалік з 1-м месцам у раёне ў фотамарафоне "Мовы адкрываюць свет". Жадаем далейшых поспехаў і новых творчых дасягненняў!

04.10.2018 у нашай установе адукацыі пабывалі прадстаўнікі МНС і правялі інструктаж з дзяцьмі аб бяспечных паводзінах, аб недапушчальных фактах неасцярожнага абыходжання з агнём, аб забароне спальвання сухой расліннасці, леташняй травы і смецця . З педагогамі быў праведзены інструктаж па выкарыстанні агнетушыцеляў.